SISP - Sistemi i Informacionit për Shëndetin Publik
Sistemi i Informacionit pë Shëndetin Publik S.I.S.P. është një H.I.S. (Hospital Information System me bazë protokollin HL7) që plotëson bazën e domosdoshme funksionale për përmbushur nevojat administrative spitalore duke strukturuar një kartelë klinike elektronike DRG-oriented.
Platforma S.I.S.P. realizon proçeset E.M.R. (Electronic Medical Records), E.H.R. (Electronic Health Records), P.M.S. (Practice Management Systems) dhe komunikimet me L.I.S. (Laboratory Information Systems), R.I.S. (Radiology Information Systems) dhe PACS (Picture Archiving and Communication Systems). Platforma është ndërtuar specifikisht për menaxhim të strukturave shëndetësore madhore me më shumë se 500 shtretër.
Qëllimi i projektit SISP
Platforma S.I.S.P. përmbush të gjitha protokollet e sigurisë dhe kërkesat funksionale të kërkuara për një sistem informacioni spitalor bashkëkohor, të sigurt dhe fluid dhe rekomandohet në struktura shëndetësore universitare dhe/ose të mëdha (mbi 500 shtretër) me qëllim:
- unifikimin e të dhënave klinike, financiare dhe teknike përsa i përket shërbimeve të ofruara ndaj shtetasve,
- shmangjen e informalitetit, kryesisht në recepsione por edhe në strukturat e tjera spitalore,
- matjen e fluksit të punës, kërkesës dhe ofertës të një strukturë madhore spitalore dhe universitare me mbi 500 shtretër me qëllim matjen dhe ndjekjen e shpenzimeve direkte të lidhura me pacientin,
- njëjtësimin e qarkullimit të barnave/MM/MK në një strukturë shumë komplekse spitalore,
- strukturimin e raporteve për administratën, të karakterit klinik mjekësor, financiar dhe teknik,
- krijimin e bankës së të dhënave të informatizuara përsa i përket: të dhenat e pacienteve (gjeneralitete etj.), të dhënat e diagnozave, të dhënat e procedurave, të dhënat e qarkullimit të barnave/MM/MK etj.
Përfitimet e implementimit të SISP
Aktualisht sistemi kodifikon, raporton dhe ndjek në kohë reale proçeset e punës dhe informacionin përkatës për:
- të dhënat e hyrjes dhe daljes nga strukturat ambulatore (konsulta, planifikime, ekzaminime, manipulime),
- strukturat e urgjencës (regjistër urgjence, kartelë ditore),
- strukturat spitalore me shtrim (shtrime ditore, shtrime mbi 24h, planifikime, fletë-shtrimi, dhe epikriza elektronike),
- të dhënat mbi veprimet mjekësore, kirurgjikale dhe procedurale (kodifikuar sipas ICDv3), të dhënat mbi diagnostikimin (kodifikuar sipas ICD10 varianti shqip),
- të dhënat mbi aktivitetin e imazherisë,
- të dhënat mbi aktivitetin e laboratoreve,
- të dhënat mbi shërbimin e kateringut (dietat),
- të dhënat mbi qarkullimin e mallrave farmaceutike nga lidhja e kontratës e deri në kartelën klinike të pacientit.
- Sa më sipër përbën bazën e domosdoshme funksionale për njëjtësimin e informacionit klinik-ligjor-administrativ-financiar për një kartelë klinike elektronike të standartizuar dhe bashkëkohore DRG-oriented.