SIIS - Sistemi Informativ i Integruar për Shëndetësinë
SIIS nuk është vetëm një program, ai është një sistem i tërë që prek çdo strukturë në një shërbim spitalor, ku në qendër është shërbimi ndaj pacientit.
SIIS është projekti i informatizimit të plotë të shërbimeve shëndetësore për Shëndetin Publik. Sistem SIIS bën të mundur dixhitalizimin e shërbimeve të urgjencës, shërbimeve laboratorike e atyre imazherike. SIIS synon të përmirësojë aksesin e kujdesit shëndetësor, dhënien e informacionit të domosdoshëm në mënyrë të saktë, të orientuar drejtë dhe në një format standart për të gjithë, sipas pavijoneve, shërbimeve e departamenteve, në mënyrë që niveli vendimmarrës të ketë informacionin e nevojshëm në kohën e duhur, të bazuar në evidencë.
SIIS – është i pari dhe i vetmi program software në fushën e mjekësisë i realizuar në gjuhën shqipe, i cili integron të gjitha shërbimet që i ofrohen pacientit në një strukturë spitalore. Lejon shkëmbimin e informacionit mjekësor në shërbim të personelit mjekësor dhe të pacientit. Informatizimi i recepsioneve mundëson sistemimin e fluksit të pacientëve ambulatorë, duke ulur ndjeshëm nivelin e informalitetit në marrëdhëniet mjek-pacient, duke rritur ndjenjën e përgjegjshmërisë, si dhe duke rritur dokumentimin dhe cilësinë e shërbimeve të ofruara ndaj pacientit.
Qëllimi i projektit SIIS
- Rritja e cilësisë së shërbimit ndaj pacientit dhe ulja e informalitetit në strukturat spitalore.
- Ngritja e një sistemi informatik të hedhjes së të dhënave ambulatore dhe spitalore.
- Krijimi i raporteve mjekësore dhe ekonomike sipas standarteve të kërkuara.
- Sigurimin e një baze të besueshme të dhënash.
- Reflektimi i DRG dhe vetëkrijimi i raporteve të para diagnostiko-terapeutike që mund të përdoren si orientim për shërbimin spitalor kombëtar
Përfitimet e implementimit të SIIS
Përfitimet nga implementimi dhe zbatimi i një sistemi të tillë janë për pacientët, ofruesit e shërbimeve dhe vendimmarrësit nga institucionet.
Përfitimet për pacientin:
- Akses i barabartë për pacientët.
- Sistemim i qarkullimit të pacientëve.
- Reduktim i kohës së pritjes.
- Dokumentim i sëmundjeve të kaluara.
- Dokumentim i të dhënave të pacientit.
Për ofruesit e shërbimit spitalor:
- Informacion mbi historikun e pacientit.
- Dokumentim i përmbledhjes së daljes.
- Automatizim i protokolleve të punës.
- Rritje e përgjegjësisë.
- Rritje e cilësisë dhe eficencës.
Për institucionin:
- Informacion mbi aktivitetin shëndetësor.
- Informacion mbi aktivitetin financiar.
- Informacion mbi aksesin e pacientit.
- Mundësi planifikimi deri afatmesëm.
- Formalizim të protokolleve të punës.